ސުމުއްވުލް ރަޢީސުލް ޖުމްހޫރިއްޔާ މުހަންމަދު ނަޝީދު ދޮށިމޭނާ ކިލެގެފާނަށް

ސުމުއްވުލް ރަޢީސުލް ޖުމްހޫރިއްޔާ މުހަންމަދު ނަޝީދު ދޮށިމޭނާ ކިލެގެފާނަށް

ވެދުން ސަލާމާއި ހެޔިދުޢާ ތަހުނިޔާ ކުރުނީސް ކުރަމުން ދަންނަވަން

ސުމުއްވުލް ރަޢީސްލް ޖުމްހޫރިއްޔާ މުހަންމަދު ނަޝީދު ދޮށިމޭނާ ކިލެގެފާނުން، މިދިވެހި ދައުލަތް ގަންނަންވެގެން ނީލަން ބާޒާރަށް ހާޞިރުވެތިބި ބޭރުގައުމުތަކުގެ ވަފުދުތަކަށް ދެއްވި ޚިތާބުގައި، ހިޖުރީ ސަނަތުން ސާދަސަތޭކަ ނުވަވަނަ އަހަރުގައި މިދިވެހި ރާއްޖޭގައި ވިއްކި ކުޑަކުދިން ނުރޯ ބޭސް "އަފިހުން" ބައްލަވައިގެންތޯ ތަގުރީރު ކުރެއްވީ؟ މަނިކުފާނުގެ ބަސްމޮށުން ތެރިކަމާ ބަލާޣާތްތެރިކަމުން އަޅުގަނޑުމެން ފަދަ ތިރިގޮންޑީގައި އިށީންނަށް ރައްޔިތުންނަށް ދޭހަވީ ރަދުން މަތިވެރި އިސްލާމް ދީނަށާއި މިދިވެހި ދައުލަތުގެ ޤާނޫނު އަސާސީއަށް ގޮންޖައްސަވާ އަރިހުގައި ތިއްބެވި ބައްތިރީސް ހަޔޫދީ ހިބުރުންގެ ބަހައް ދީލާލިހެންނެވެ. މިފަހަކަށް އައިސް ދުރަނެ ފަދައިން ނުވަތަ ރުނޑި ފަދައިން ނަޖިސްތަކު ތެރޭ ހޭވި ހޭވި ތަޔަ އުޅުއްވާ ގޮތަކުން ދައުލަތުގެ ނަމާ ރައްޔިތުނަށް އޮތް ބުޑުހުތުރެއްގެ ސަބަބުން މިވާހަކަ ހިއްސާ ކޮއްލާނަމޭ ހިތަށް އެރީއެވެ.

ރަދުން ތިޔަ މަރު ދެއްވަނީ މަނިކުފާނު ހަލާކުރާނެ ބަޔަކުގެ ބަސް މީސްތަކުންނަށް އައްވާށެވެ. ދީނޭކިޔައިގެން ރަދުން ހަޅި ބުދެއްހެން ހަދައިގެން ރައްޔިތުންގެ ކުރިމަތީ އަގުވައްޓާލަންވެގެން އެބަލަކު އެބައުޅެއެވެ. މަރިޔަމް އޮމަދީ ފަދަ ތާކުން ތާކު ނުޖެހޭ ކަނަތަކާ އަމިއްލަ އަނބިމީހާ މޫނުގަ ޖެހިޖެހީނުން ހޭނައްތާލި ހާފިޒު ޒަކީ ފަދަ މެކުނުން ލައިގެން ރަދުންގެ ކިއްލާ ތިޔަހުރެގެން ރެނދުލަނީއެވެ. ޝަރާބުގެ އެކުވެރި މޫސާމަނިކު މަނިކުފާނުގެ ތަހްތުގެ އަގުވައްޓާލަން ވެގެން ދީނޭ މަޑިސީލައޭ އަންހެނުނޭ ބުނާއިރު، އޭނާގެ ވަލީ އަހުދަކަށް ހުރި ފިރިހެން ދަރި މުދްރިކަތު މަނިކުފާނުގެ ރައްޔިތުންގެ ތެރެއިން މީހެއްގެ ޅައަންހެން ކުއްޖެއްގެ ޢިއްފަތްތެރިކަން ދުއްވާލިއިރު އަންހެނުންގެ ހައްގުތަށް ބާވާނުލައްވައެވެ.

ރަދުންނަށް މިދިން ނަސޭހަތް ގަބޫލުފުޅު ކުރެއްވާނެކަމުގެ އުންމީދުގައި މަދަހަ ސަނާއާއި ހެޔޮ ދުޢާ އަރިސް ކުރަމުން ވަކިވެލީމެވެ.

އިހްތިރާމް ގަބޫލްކުރެއްވުން އެދި ސަލާންޖަހަން

14 ރަބީއުލް އާޚިރް 1431

30 މާރޗް 2010

އަލް ފަގީރު

މުހަންމަދު ޢަލީ

ނޯޓް: މިލިޔުމުގައިވާ ދުރަނުގެ މާނަޔަކީ: ފުރަގަސް ފަރާތު ވޮއްޓެވެ. އަދި ރުނޑީގެ މާނައަކީ ދުރަނުކައިރީ ފަޅާ އިސްތައްޓެވެ. ބޮޑުކަމު ދާއިރު ނަޖިސް ދާނީ މިއިސްތަށިތަކުގައި ހޭކިފައެވެ. އހ

އެދުމެއް ނެތި ވެދުމެއް ނުކުރާނެއެވެ!!

އާދެ އަޅުގަނޑުމެންގެ މިކުޑަ ކުޑަ ދިވެހި ރާއްޖެއަކީ ކުޑައެއްކަމަކު ފިސާރި ދިގު، ފުރިހަމަ، ޝަރަފުވެރި އަދި ކިއެއްތޯ ޢިބުރަތުން ފުރިފައިވާ ތާރީޚެއް ލިބިފައިވާ ގައުމެކެވެ. މާޒީގެ ސަފުހާތަކުން ލިބިދެނިވި ފިލާވަޅުތަކާ ކާބަފައިންގެ މިއްނެތް މަސައްކަތުން މިކުޑަ ކުޑަ ވަތަން މިނިވަން ކަމާއެކު އަޅުގަންޑުމެންނަށް ﷲ ގެ ރަހްމަތުން މިވަނީ ފޯރާފައެވެ.
ނަމަވެސް މިދަންނަވާލެވުނު ޝަރަފުވެރި ތާރީޚުގައި ވެސް ޣައްދާރުނާއި މުޖުރިމުން މިގައުމަށް ދިން އަނީޔާގެ ކަޅު ސަފުހާތަށް އެބަހުޓެވެ. ވެރިކަމުގެ ބޭނުމުގައި ދައުލަތް ވިއްކާލި ދެބޭން ކަނޑު ފެއްތި ވާހަކައާއި ދީންބަދަލުކޮށް ވެރިކަން ހޯދަން އުޅެނިކޮއް ބޮންޑި ބޮވުނު ވާހަކައާއި ކުލީ ސިފައިން ގޮވައިގެން އައިސް އުމުރަށް ޖަލައް ހުކުމް ކުރި ވާހަކަތަކުގެ ކަޅު ސަފުހާތަށް މަދެއް ނޫނެވެ.
މިވާހަކަތައް ނޭންގޭ، ކުފޫ ހަމަނުވާ ޅަކުއްޖަކު، ނުވަތަ "ބުއްޅަބެޔަކު" ވެރިކަމަށް އެރުވީމާ ކޮރަކަށްލި ދުވާހެން ފަރާއް ފަރާތަށް ދުވެދުވެ ގޮތްހުސްވެގެން އުޅޭތަން ފެންނާއެވެ. ތާރީޚުން ކާބަފައިން ދެއްވި މަތިވެރި ފިލާވަޅުތަކުން ފާސް ނުވެ. ގައުމުން ބޭރުގައި ހޭކި ހޭކިފައި ގައުމާ ގައުމުގެ ދީނުގެ އަދުއްވުން މާރަނގަޅުކަމަށް ފެނިގެން ގޮތްފުޅަންގެހެން މިފުމޭން ފެށީ މޮޅުވާނެ ކަމަށްހިތައެވެ.
މިދިވެހި ރާއްޖެއަށް އެހީދޭން އުޅުއްވާ ޔޫރަޕު ދޮންކުދިން ދެއްވަން ވަޢުދުވި 300 މިލިޔަން ޑޮލަރުވެސް މިހާރަކު ނެތެވެ. ޑޮލަރު ރޭޓުވެސް ދައްވެގެން އަޅުގަންޑުމެން މިހާރު ޑޮލަރު ނުވެސް ގެންގުޅެމެވެ. އެދުމެއް ނެތި ވެދުން ކުރާނެނަމަ މިހާރު ހުނާނީ ކޮއްފައެވެ. އެންމެ ފަހުން އަޅުގަނޑުމެންގެ ސަރުކާރުން އެހީ ހޯދަން ޔޫރަޕަށް ގޮސް ދީން ވިއްކާ އިސްލާމް ދީނޭ ފަޅޮލޭ ބުނީމާ ޖަވާބުގައި އޮތީ ދިވެހި ރާއްޖޭގައި ފައްޅިއެއް އެޅީމާ ފައިސާ އޮހޭނެއޭ މިހެންނެވެ. ދެން ޖެހުނީ ވަހީދު އަރިބިކަރައިގެ ވައްހާބިން ކާރިޔަށް ފޮނުވާށެވެ. ވައްހާބީން ތުންބުޅި ނެތަސް އެހީދޭކަން މިދުނިޔެ ވެސް ހެކިވެއެވެ. ބުނާތީއެހީމެވެ، މިދިވެހި ރާއްޖެ ސުނާމީގަ ހާލުގަޖެހުމުން ވެސް އެންމެ ފުރަތަމަ އެހީވީ ވައްހާބީ ސައުދީ އަރަބިއްޔާއިންނެވެ. އެކަމު އެލިބުނު އެހީވެސް ކުރީގެ ސަރުކާރުން ވިއްކާން އުޅުނެވެ.
ތާރީހުން ފެންނާންއޮތީ ބޭރު މީހުން އެރީމާ ކޮންމެ ގައުމެއްގައި ވެސް އެމީހުން ހާވާ ހަޑިއެވެ. ހާއްސަކޮށް ޔޫރަޕު ދޮންކުދިން ގެންނަ ޔަހޫދީ މަޅިތަކެވެ. ދަރިންގެ ދަރިން ވެސް އަޅުވެތި ވާނޭހެން މަޝްރޫތަކާއި ޕްރޮޖެކްޓުތައް ދީގެން އެތަން ބަލާކަށް ދިވެހިން ނުތިބޭނެއެވެ. ދޮން ކުދިން އެހީ ނުދިނަސް މިދިވެހިން އުޅޭނެއެވެ. މިވީހާތަނަށް ވެސް އުޅުނީއެވެ. ތަރައްގީވެސް ކުރީއެވެ. ކުރީގެ ސަރުކާރުން ލާރިގަންޑު ކޭއިރު ވެސް ރައްޔިތުން ގައުމު ތަރައްގީކުރިއެވެ. މިހާރުގެ ސަރުކާރުން ބަނޑުނާޅަންޔާ މާރީއްޗަށް ވެސް ތަރައްގީ ކުރެވޭނެއެވެ.
ކާބަފައިން ބުނީ ތެދެކެވެ. ބާޣީ ޢާއިލާއަކުން ނުކުންނާނީ ވެސް ބާޣީއެލެވެ.
ހަރުފަ ހޮރަކުން ނުކުންނާނީ ހަރުފަތާއެވެ.

މާޒީން ފިލާވަޅު ލިބިގަންނަވާ

ދިވެހި ރާއްޖޭގެ ރައީސުލް ޖުމްހޫރިއްޔާ އަލްފާޞިލް މުހަންމަދު ނަޝީދަށް
ވެދުން ސަލާމާއި ހެޔޮދުޢާ އަރިސް ކުރުމަށް ފަހު ދަންނަވަމެވެ.
ދިވެހި ދައުލަތުގެ ސިންގާ ސަނާގައި ރެދަލި ކުރެއްވިފައި މަނިކުފާނު ތިޔަ އިންނަވަނީ އަރިހުގައި ތިއްބެވި ހަގުބޭފުޅުންނާއި ޖާޑީގަ ގެންގުޅުއްވާ ޒުވާން ކުދިން ކޮޅުގެ ހަމައެކަނި މަސައްކަތްޕުޅަކުން ނޫނެވެ. އަދި މަނިކުފާނުގެ ތަހްތުކޮޅު ގުޑުގުޑުލާތޯ ބައްލަވަ ބައްލަވާ ހުންނެވި ހަނދޭގިރީގެ ހަމައެކަނި މަސައްކަތްޕުޅަކުން ވެސް ނޫނެވެ. މަނިކުފާނު ކަންފަތް ދޮށުގައި ވަސްވާސް ދީހަދަމުން ދުންމުޖުމަރާ އަޅަމުން ތަވާފުކުރައްވާ މާރިޔާއާއި މޫސާ މަނިކުގެ ހަމައެކަނި މަސައްކަތްޕުޅަކުން ވެސް ނޫނެވެ. ތިޔަ ފަތްކޮޅު ހިތްޕަވައިގެން ހުނެވި އަހުމަދު މޫސާގެ މަސައްކަތްޕުޅަކުން ވެސް ނޫނެވެ.
މަނިކުފާނަށް ހަނދުމަފުޅުކޮށް އަރުވަމެވެ. މަނިކުފާނުގެ ކުރިން ތަހްތުގައި އިންނެވި ބޭފުޅާވެސް އަރިސް ބޭކަލުން ރުއްސަން ކުރެއްވި މަސައްކަތްޕުޅުން ހަލާކުވެ ދިޔައީއެވެ. މަނިކުފާނު ވިދާޅުވެވޭ އެއްޗެއް ނޭންގޭ ހާލު ތަހްތަށް ފޫހަރުއްވައިގެން އިންނަވާ ކޯއްޓޭގައި ހުރި ދުންމާރިހެން އަނގަ ފުޅާކުރަށްވައި ތިޔަ އަޗާ ތަޅުއްވަނީ ހޭފުޅު ހުންނަވައިގެންނަކުން ނޫނެވެ. މަނިކުފާނު ދިވެހި ރައްޔިތުންނަކީ ގުންބޯލިން ކަމަށް ބައްލަވާން ފަށާހިންދުން ރައްޔިތުން މަނިކުފާނު ކޮއިލުކޮޅުން ބޭރުކުރާނެއެވެ. އެދުވަހުން އަޅުގަންޑުމެން ފަދަ މަނިކުފާނުގެ ވެރިކަމާ އާރާއި ބާރު ގެންނަން މަސައްކަތްކުރި މީހުން ވަރަށް ދެރަވާނެއެވެ. އެކަމަކު އެދުވަހަކުން ތިޔަ ރަދުންގެ ހަށިކޮޅު ސަލާމަތް ކޮއްދެވޭނެ ގޮތެއް މިނިކަމެތި ރައްޔިތުންގެ ކިބަޔަކު ނުހުންނާނެއެވެ.
ދިވެހި ރާއްޖޭގެ ކޮއިލު ކޮޅުގައި ކުރިން ގެންގުޅުއްވި ހަވަރު ތުންފުހި އަނީސާ ފަދައިން މިއަދު މާރިޔާ އަހުމަދު ދީދީ ގެންގުޅުއްވާ އެކަމަނާގެ ކުރީގެ ލޯބިވެރިޔާ ރުއްސަން މަސައްކަތްކުރައްވާ މަނިކުފާނާއެކު މަކުނު ބަލީގައި ދުވަސް ކޮޅެއް ހޭދަކުރެއްވި އަހުމަދު މޫސާގެ ފިކުރު ދިވެހި ރައްޔިތުންނަށް އަންގަވައި ދެއްވާ ޝަރަބު ބައްލަވާއިރު އަރިސްކޮއް ތިއްބަވާ ހަގުބޭކަލުން ބޭނުން ހާގޮތެއް ހެއްދެވިއްޖެ ނޫންތޯއެވެ.
ވީމާ ނުހަނު އާދޭހާއި އެކު ދަންނަވަމެވެ. މިދިވެހި ގައުމުގެ ސިންގާ ސަނާ ގާނޫނު އަސާސީގައި ވާގޮތުގެ މަތިން ފުރިހަމަކުރަށްވައި ހެޔޮ ވެރިކަމަކަށް ފަހު ތަހްތުން ފައިބާންނަވާށެވެ. ތަހްތަކީ އުސް އެއްޗެކެވެ. ވެއްޓި ޖެހޭއިރު ނުލާހިކު ދަދުވާނެއެވެ.
އިހްތިރާމް ގަބޫލު ކުރެއްވުން އެދެން
12 ރަބީޢުލް އާޚިރް 1431
28 މާރޗް 2010
އަލް މުހްލިސް

މުހަންމަދު